ശബരിമലയില് ഒരേ സമയം പതിനാറായിരത്തോളം വാഹനങ്ങള്ക്ക് പാർക്ക് ചെയ്യാൻ സൗകര്യം ഒരുക്കി ദേവസ്വം ബോർഡ്,മുൻപ് നിലയ്ക്കലില് എണ്ണായിരത്തോളം വാഹനങ്ങള്ക്ക് അടുത്ത് പാർക്ക് ചെയ്യാൻ കഴിയുമായിരുന്നു അധികമായി 2500 വാഹനങ്ങള് കൂടി പാർക്ക് ചെയ്യാനുള്ള സംവിധാനം ഒരുക്കിയിട്ടുണ്ട്.
നിലയ്ക്കലിലെ പാർക്കിംഗ് പൂർണ്ണമായും ഫാസ്റ്റ് ടാഗ് സംവിധാനം.ഉപയോഗിച്ചുള്ളതായിരിക്കും.എരുമേലിയില് ഹൗസിംഗ് ബോർഡിന്റെ കൈവശമുള്ള ആറര ഏക്കർ സ്ഥലം പാർക്കിങ്ങിനായി വിനിയോഗിക്കും.നിലയ്ക്കലില് 17 പാർക്കിങ്ങ് ഗ്രൗണ്ടുകളിലായി ഒരു ഗ്രൗണ്ടില് മൂന്ന് വിമുക്ത ഭടൻമാർ വീതം 100 ലേറെ പേരെ ട്രാഫിക് ക്രമീകരണങ്ങള്ക്കായി ഉറപ്പാക്കിയിട്ടുണ്ടെന്നും ദേവസ്വം ബോർഡ് അറിയിച്ചു.
വാഹനങ്ങളുടെ സുഗമവും വേഗത്തിലുമുള്ള സഞ്ചാരത്തിന് ഫാസ്റ്റ് ടാഗ് സൗകര്യം ഉപകരിക്കുമെന്നും ഭക്തജനങ്ങള് പരമാവധി ഈ സൗകര്യം ഉപയോഗിക്കണമെന്നും ദേവസ്വം ബോർഡ് അറിയിച്ചു. പമ്ബ ഹില്ടോപ്പ് ,ചക്കുപാലം എന്നിവിടങ്ങളില് മാസപൂജ സമയത്ത് പാർക്കിങ്ങിനുള്ള അനുമതി കോടതി നല്കിയിരുന്നു. ഇവിടങ്ങളിലായി 2000 വാഹനങ്ങള്ക്ക് പാർക്ക് ചെയ്യാം. മണ്ഡല മകരവിളക്ക് മഹോത്സവകാലത്തും ഇവിടങ്ങളില് പാർക്കിംഗ് കോടതിയുടെ അനുവാദത്തോടെ ഏർപ്പെടുത്താൻ ശ്രമിക്കും.
